Bharat tyohar ka desh h or yha har parv apne sath koi n kai sanskritik , dharmik or aadhyatmik mahatva samete hue h. Dipawli ka parv panch dino tak manaya jata h. Jisme har din ka apna alag mahatva hota h. Inhi dino me se ek din ” narak chardashi ” ka hota h. Jise chhoti diwali , roop chaudas , kali chaudas bhi kha jata h. Ye din dipawli se ek din bad aata h. Or vishesh roop se bhagwan shree krishna dwara narkasyr rakshas ko mar diye jane ki yad me manaya jata h. Is parv ka dharmik , samajik or vaigyanik najariye se bhi bahut mahatva h.
NARAK CHADURDASHI KA PURANA ITIHAS
Narak chadurdashi ka sidha sambandh asurraj ” narkasur ” se h. Purano ke anusar narkasur asurraj hiranyaksh or prithvi devi ka beta tha . Usne bahut hi kathor tapasya ki or brahma ji se var prapt kiya , ki uski maut sirf uski maa prithvi devi ya phir shree kishna ke hatho se hi sambhav ho payegi . Varman ke milte hi narkasur atyachari ban gya . Usne 16,100 ladkiyo ko agwa kr liya or phir unhe karagar me band kr diya .
Narkasur ne devtao or rishiyo ko bhi pareshan krna shuru kar diya . Aakhir me devtao or rishiyo ne bhagwan vishnu se prathna ki . Bhagwan vishnu ne shree krishna avtar me narka sur ko marne ka socha .
Shrimadbhagwad pran ke anusar bhagwan shree krishna ne apni patni satyabhama ke sath narkasur par hamla kiya . Ladai ke samay satyabhama ne hi narkasur ko mara . , kyuki wo prithvi devi ka ansh thi or vardan ke anusar usi ke hatho uski mrityu sambhav thi . narkasur ke maut ke bad shree krishna ne 16,100 ladkiyo ko mukt kar unhe samaj me samman dilaya .
Isi din se burai par achchhai ki ki jeet ka parv manane jane lga .
NARAK CHATURDASHI KE NAM OE MANYATAYE
Ye parv bharat ke alag -alag rajyo me alag -alag namo or paramparao ke sath manaya jata h.
- Roop chaudas :- Is din ko roop chaudas bhi kha jata h kyuki manyata h ki is din suraj ke nikalne se pahle tel se nahana or ubtan krne se sharir nirogi or sundar banta h.
- Kali chaudas :- Gujrat or rajasthan ke kai jagaho me ise kali chaudas kahte h. Is din tantrik sadhnaye or devi -pujan bhi kiya jata h.
- Chhoti dipawli :- Dipawli se ek din phle hone ke karan ise chhoti dipawli bhi kha jata h.
- Yam deepdan :- Is din yamraj ki puja or diya dan krne ki parampara bhi h taki mrityu or akal mrityu ke dar se mukti mil sake .
NARAK CHATURDASHI KI PUJA VIDHI
Is din subah ke samay hi suraj nikalne se pahle nahan or puja krne ka vishesh mahatva h. Puja krne ki vidhi kuch is prakar h.
- Abhyang snan :- Subah suraj nikalne se pahle tel se malish or ubtan or nahane ki parampara h. Ise abhyang snan kha jata h. Mana jata h ki isse papa nast hote h or aayu badhti h.
- Deepdan :- Yamraj ko khush krne ke liye ghar ke bahar dakshin disha me diya jalaya jata h. Ise yamdeep bhi kha jata h.
- Bhagwan shree krishna ki puja :- Narkasur ki maut ki yad me shree krishna , satyabhama or devi lakshmi ki aaradhna ki jati h.
- Ubtan or roop -saundarya :- Is din mahilaye ubtan ko lagati h taki unke roop or swasthya me vriddhi ho ske .
- Diya jalana :- Sham ke samay ghar ,aangan or mandiro me diya jalaye jate h , Jo andhera or narak roopi papao ko dur krne ka pratik h.
NARAK CHATURDASHI OR DIPAWLI SAMBANDH
Dipawli parv ke panch dino me narak chadurdashi dusra din hota h. Pahla din dhanteras , dusra din narak chaturdashi ,tisra din lakshmi pujan ( mukhaya diwali ) , chautha din goverdhan puja or panchwa din bhai dooj ka hota h.
Narak chaturdashi burai par achchhai ki jeet ka pratik ka sandesh deti h. , jabki lakshmi puja samriddhi or khushali ka ratik h . Is din dono din milkar manushya ke jivan ko sukhi or samriddh banane ki prerna deta h.
NARAK CHATURDASHI KA SAMAJIK MAHATVA
- Burai par jeet :-Ye parv hme sikhata h ki chahe burai kitni bhi majboot kyu na ho ,aakhir me achchhai ki hi jeet hoti h.
- Nari samman :- Narkasur ke maut ke bad 16,100 ladkiyo ko samman dilana samaj ko ye sandesh deta h ki stri ka sthan sarvopari hor uska samman krna aavasyak h.
- Saf- safai ka mahatva :- Is din ghar ki saf -safai or nahane ko vishesh mahatva diya jata h. Yeh swasthaya or swachchhata ka sandesh deta h.
Samajik ekta :- Log diya jalakar , puja krke or parivar ke sath utsav mna kar samajik mitra or ekta ko badhawa dete h.
Vaigyanik drishtikon
Narak chaturdashi ke paramparao ke pichhe ke vaigyanik karan bhi chhupe h.
- Tel se nahana :- Thandi ke mausam me tel se malish krne se sharir ko poshan or rog -pratirodhak shakti milti h.
- Ubtan ka prayog :- Ye twacha ko suddha or chamakdar banata h.
- Deepdan :- Rat ke samay diya jalane se vatavaran me nami or thandak bna rahta hor kitanu khatm hote h.
- Saf -safai :- Is din ghar ki safai krna sankraman kr bimariyo se bachne ka sadhan h.
ALAG -ALAG RAJYO ME NARAK CHATURDASHI KA UTSAV
- Uttar bharat :- Yha ise chhoti diwali ke roop me manay jata h. Log subah nhakar diya jalate h.
- Gujrat :- Ise kali chaudas kha jata h. Tantra -mnatra sadhna or shakti puja ka mahatva h.
- Maharastra :- Yha “abhyang snan ” ki parampara h or log ubtan ka prayog krte h.
- Dakshin bharat :- Ise ” narak chaturdashi ” hi kha jata hor vishesh roop se bhagwan shee krishna ki puja ki jati h.
NARAK CHATURDASHI SE MILNE WALI SIKSHAYE
- Burai chahe kitni bhi takatwar kyu na ho ,sach or dharm ki jeet tay h.
- Mahilao ka samman krna samaj ka kartavya h.
- Maut ke dar ko dur krne ke liye dharm or aastha ka sahara lena chahiye
- Utsav hme parivar or samaj ke sath judav ka awsar pradan krta h.
Narak chaturdashi ka p[arv sirf dharmik drishti se hi nhi balki samajik or vaigyanik drishti se bhi mahatvapurna h . Ye din hme aatmasuddhi ,swachchhata , swasthaya or nari samman ka sandesh deta h. Sath hi hme ye parv yad dilata h ki jivan me kitni bhi kathinai kyu na ho , achchhai ki hamesha jeet hoti h.
Dipawli pahle aane wala ye parv sach me andhere se prakash ki or , pap se punya or nark se miksh ki or badhne ka pratik h. Isliye narak chaturdashi ka parv har vyakti ke jivan me achchhai , sach or swachchhata apnane ki prerna deta h.